Mittwoch, 10. März 2010, nb/pli
Auch der dritte Tag in Side verlief reibungslos
Nadine Baker beschreibt ihren Tag wie folgt:Am 7:30 hät dä Wecker s’erst mal glütät. D`Sandra chunt aber jede Morgä so um die 7:40 no go chlöpfä a dä Türä.
Nachem ufstah ischs ab id Badehosä gangä, dänn mir händ es Morgäfooting gha im Wasser mit em Andi. Chli Aquajogging isch ufäm Plan gstandä. Nachäm bade hemmer 10 min. gha zum eus umzie und dä Usgangstrainer go alegä für zum go z`morge esse.
S’Buffet da isch wüki guet, ich dänk es hät für jedi Nasä öpis da wommer gern hät. 9:30 isch dä nächst Träffpunkt xi für Theorie am Morgä.
Der Tagesablauf isch eus xeit wordä, so au das dä Michi hüt mal s’Ilaufä bi de NLA macht und de Andi bi de U18.
Es isch no lustig xi mal es anders Ilaufä zmachä und die einte sind au a ihri Gränzä cho i dä Koordination.
Nachem trinkä sind d’Stürmer wieder zum Kretsch go Abschlüss mache und Laufwäg a luege. De Rest vo dä Mannschaft hät mit de Gubbi und äm Andi verschiedeni Uslöisge a glueget.
12:30 isch wieder Abfahrt xi is Hotel und am 13:30 hätz z’Mittag gä. Will die einte scho recht agschlagä sind Verhertige, Verspannige oder sust irgendwelchi Problemlis hät Gubbi beschlossä, dass mir am Namittag keis Training mached und mir frei händ.
Die einte sind dän am Bazar oder sind sust chli go laufe. Viel hend au no d’Sandra in Beschlag gno und hend sich e Massage gönt. 19:30 isch dän erst wieder Träffpunkt xi für zum Znachtessä. Au s’Dessertbuffet wird bim Znacht vo ganz vielä usprobiert und es isch immer wieder spannend uf was mär aläs ä so für Gschmäck atrifft. :-) Nachem feine Essä hemmer eus gad namal im Theorieruum troffä und hend eus gegesitig d’Schultere massiert. Nach dä schöne Erholig hemmer den bis am 23:00 no döfä go öpis trinkä oder die wo nüme möge hend sind is Bettli go pfüsele.
